ڈپریشن سے چھٹکارے کے آسان ترین طریقے
ڈپریشن اور سٹریس ایک قسم کے زہنی تناو ہیں ۔سٹریس اور ڈپریشن میں منفی خیال بھی شامل ہیں ۔ایک اندازے کے مطابق پاکستان میں ڈپریشن کے شکار افراد کی تعداد پانچ کروڑ سے زیادہ ہے۔ اگر امریکا کی بات کریں تو وہاں ایک کروڑ اور نوے لاکھ لوگ ڈپریشن میں مبتلا ہیں ۔ڈپریشن ،سٹریس یا پھر منفی سوچ یا احساس ان تینوں صورتوں میں مبتلا افراد میں زندگی کو اینجوئے کرنے کا لطف ختم ہو جاتا ہے اور انہی کے اپنے پسیندیدہ کاموں میں دلچسپی ختم ہوجاتی ہے ۔ڈپریشن کی علامات کے شروع شروع میں لوگوں میں منفی احساس کم ہوتا ہے ۔لیکن وقت گزرنے کے ساتھ ساتھ یہ منفی سوچ یا احساس بڑھتا جاتا ہے ۔یہ منفی احساس اصل میں ایک دلدل کی طرح ہے دیکھنے میں تو یہ ایک جگہ لگتی ہے مگر جب کوئی اس میں پھنس جائے تو اس کے لیے وہاں سے نکلنا بہت مشکل ہو جاتا ہے اور وقت گزرنے کے ساتھ ساتھ وہ اس میں دھنستا چلا جاتا ہے اور ایک وقت ایسا آتا ہے جب وہ اس منفی احساس کی دلدل میں مکمل طور پر غرق ہوجاتا ہے ۔
ڈپریشن یا اسٹریس بھی ایسا ہی ہے۔
ڈپریشن میں مبتلا افراد کی سب سے بڑی غلطی یہ ہوتی ہے کہ وہ اس معاملے پر شروع میں بلکل توجہ نہیں دیتے اور پھر وہ اسی طرح ڈپریشن کی دلدل میں پھنستے چلے جاتے ہیں ۔ اس وقت ڈپریشن کے شکار افراد اپنی زندگی میں بالکل جامد ہوکر رہ جاتے ہیں اور ان کا دماغ بلکل ماؤف ہوجاتا ہے۔ اس لئے سب کو چاہئے کے ڈپریشن کو ختم کرنے کے لیے شروع میں ہی کوشش کی جائے اور مناسب مائنڈ تھراپسٹ یا لائف کوچ سے ٹریٹمنٹ لے لی جائے۔ لیکن اگر ڈپریشن اپنے عروج پر پہنچ جائے اور علاج کرنے کا وقت گزر گیا تو یہ ہلکا ڈپریشن بعد میں کلینکل ڈپریشن میں بدل جاتا ہے اور اس وقت اس پر قابو پانا بہت مشکل ہوجائے گا بلکہ سائیکاٹرک میڈیسن کا خرچ بھی زیادہ ہوجائے گا جسے برداشت کرنا مشکل بن جائے گا۔ مزید ڈپریشن میں استعمال ہونے والی دواؤں جس سے شدید قبیح اثرات مرطب ہوں گے وہ بھی عذاب بن جائیں گے۔ اس بات کو مکمل طور پر یاد رکھیں کہ ایک معمولی منفی خیال بھی ڈپریشن کی وجہ بن سکتا ہے جس سے بعد میں تباہ کن سلسلے کا آغاز ہوتا ہے تو اگر اسے شروع ہی میں قابو نہ کیا جائے تو وہ ایک عادت بن جاتا ہے۔
اسی وجہ سے کچھ لوگ بہت خوشی کے وقت بھی افسردہ اور غمگین رہتے ہیں ۔منفی احساسات کے علاج کے لیے مائنڈ تھراپی خاص طور پر این ایل پی بہت فائدہ مند ثابت ہوتی ہیں ۔طبی ماہرین کے مطابق ڈپریشن سے چھٹکارے کے لیے استعمال ہونے والی روایتی سائیکو تھراپی یا سی بی ٹی ڈپریشن اور اسٹریس کیلئے 6 ماہ سے ڈیڑھ سال لگاتی ہے لیکن اس کے برعکس مائنڈ تھراپی کے استعمال سے یہ مسائل 8 سے 13 ہفتوں میں ختم ہوجاتے ہیں۔ اگر آپ منفی احساس میں مبتلا ہوں تو ایک سادہ مشق کریں جو یہاں بیان کی جارہی ہے ۔اس پوری مشق کو ایک بار پڑھ لیں اور مشق کریں ۔جب آپ کو ڈیپریشن کا احساس زیادہ ہو تو آپ یہ مشق کر سکتے ہیں ۔
اب اپنی دونوں آنکھوں کو اوپر کی طرف کرلیں۔ ایسے لگے کہ جیسے آپ چھت کو دیکھنے کی کوشش کررہے ہیں۔ اس دوران صرف اپنی آنکھیں اوپر کی طرف لے کر جائیے، آپ کا سر سامنے کی جانب ہی رہے۔ 30 سیکنڈ تک اپنی آنکھوں کو اسی حالت میں رکھیے اور چھت کو دیکھتے رہیئے۔اب اپنے سر کو حرکت میں لائے بیغر اپنی آنکھیں پہلے بائیں جانب اور پھر دائیں جانب کی طرف لے جائیے۔ یہ ایک چکر ہوگیا۔ اس طرح کے20 چکر کریں۔ آنکھوں کو گھماتے ہوئے انہیں بہت ہی کم رفتار سے گھمائیں ۔ اس میں تیزی نہ کریں ۔ اپنے سر کو ساکت رکھیے اور اپنی آنکھیں اس بار اوپر سے نیچے کو لائیں ۔ پھر نیچے سے اوپر کو لے جائیں ۔ یہ ایک چکر ہوگیا۔ یہ کام بھی 20 مرتبہ کیجیئے۔سر کو اب بھی اسی جگہ رکھیئں۔
اس قدم پر اپنی آنکھیں گنتی کے نمبر 8 کی شکل میں گھمائیں ۔یہ پہل ایک جانب اور پھر اس کی مخالف سمت میں۔یہ پانچوں مراحل مکمل کرکے اپنے احساس پر غور کریں ۔ آپ کو اندازہ ہوجائے گا کہ آپ کا منفی احساس اب ختم یا کم از کم کافی حد تک کم ہوچکا ہوگا ہے۔ اگر اس احساس کو مزید کرنا چاہتے ہیں تو اس مشق کو دو یا تین بار مزید کریں۔ اس وقت تک کرتے رہیں جب تک آپ اچھا محسوس نہ کرنے لگیں۔ نیچے نہ دیکھئے۔ اگر کوئی بہتری محسوس نہ ہو تو اس مشق کو دوبارہ پڑھیے، سمجھئے اور پھر پوری توجہ اور سے کریں۔اس مشق کرنے کا مقصد یہ ہے کہ آپ فوری طور پر ڈپریشن یا اسٹریس کے پھندے سے نکل سکتے ہیں ۔ لیکن اس کے ساتھ ساتھ علاج کی ضرورت بھی باقی رہتی ہے۔